MUQDISHO (DAYNIILE.COM)-Wararka laga helaayo Gobolka Shabeelaha hoose ayaa sheegaya in Ciidamada kumaandooska Somalia ee Gor-Gor ay fuliyeen Howlgal la mahdiyay.
Ciidamada ayaa howlgalkaan oo ka dhan ahaa Alshabaab waxay ka fuliyeen Deegaanka Toora-Tooroow ee Gobolka Shabeelaha hoose.
Kumaandooska ayaa la sheegay inay weerar ku qaadeen goob ay Alshabaabku ku sugnaayeen waxayna dileem 4 dagaalame oo isugu jirey saraakiil iyo ciidan caadiya.
Sidoo kale howlgalka waxay ku burburiyeen goobtii fariisimka u ahayd kooxdaas iyagoona dhanka kale kala wareegay qoryo AK47 ah oo ay ku hubeysnaayeem.
Dhanka kale Taliyaha Guutada 18’aad Ee Kumandoska Gor-gor G/le Xasan Ciraaqi ayaa aad u amaanay una mahad celiyay ciidamada howlgalkaasi fuliyay
“Waad ku mahadsan tihiin ururka 7aad Guutada 18’aad Kumandoska Gor-Gor shaqada qaran ee aad qabateen”ayuu yiri Taliye G/le Xasan Ciraaqi
XAFIISKA WARARKA
DAYNIILE.COM
