Kumanaan kun ayaa ka qaxay magaalada Rafah kadib markii ciidamada Israa’iil ay soo saareen amar ay ku daad gureynayaan
Tobanaan kun oo Falastiiniyiin ah ayaa mar kale ku barakacaya amarkii ugu dambeeyay ee daadgureynta.
Israa’iil ayaa amaro cusub oo daadgureynta ah ka soo saartay magaalada koonfurta Qaza ee Rafah, taasoo ku qasabtay tobanaan kun oo qof oo kale inay guuraan xilli ay isku diyaarinayso inay ballaariso hawlgalkeeda milateri.
Amarradii Sabtidii, ciidamada Israa’iil ayaa hadda faarujiyay saddex meelood oo Rafah ka mida, iyaga oo ku riixay cidhifyada aagga dhexe ee ay dadku ku badan yihiin.
Awaamiirta ayaa ku soo aadeysa iyadoo ay wajahayaan mucaaradad iyo dhaleecayn caalami ah.
Madaxweyne Joe Biden ayaa horay u sheegay in Maraykanku aanu siin doonin hub weerar ah oo ay Israa’iil ku fuliso duulaanka Rafah.
Qaramada Midoobay iyo hay’adaha kale ayaa ka digayay toddobaadyo in weerar ay Israa’iil ku qaaddo Rafah, oo xuduud la leh Masar oo u dhow meesha ugu muhiimsan ee gargaarka laga galo, uu curyaamin doono hawlaha bani’aadamnimada iyo inuu sababi doono khasaare ba’an oo soo gaara dadka rayidka ah.
In ka badan 1.4 milyan oo falastiiniyiin ah ayaa ku hoyday Rafah ka dib markii ay ka soo carareen duqeymaha ay ciidamada Israa’iil ka wadaan qeybo kale oo ka mid ah go’doominta.
Waxaa loo arkaa magangalkii ugu dambeeyay ee marinka Qaza, daad gureynta ayaa dadka ku qasbaysa inay dib ugu laabtaan waqooyiga goobihii ay burburiyeen weeraradii hore.
Dadka ayaa horay dhowr jeer u barakacay, waxaana jira meelo yar oo ka haray Jidka ay colaaddu ka taagan tahay oo loo guuri karo.
Kuwa ka cararaya dagaalka horaantii todobaadkan waxay ka dhisteen xeryo teendho oo cusub magaalada Khan Younis, oo kala bar lagu burburiyay weerar hore oo Israel, iyo magaalada dhexe ee Deir el-Balah, taas oo ciriiri gelisay kaabayaasha.
    SOURCE ALJAZEERA
XAFIISKA WARARKA
DAYNIILE.COM
