Todoba qof ayaa ku dhintay halka 69 kalena way ku dhaawacmeen kadib markii ay dumeen 2 buundo oo ku kala yaal laba gobol ka torsan dalka Ruushka walibana u dhaw xadka ay la wadaagaan dalka Ukraine.
Buundada dadka badani ku dhinteen saaka oo ku taal gobolka Kursk waxaa la soo sheegaa inay lago’day Tareen nuuca xamuulka qaada ah, waxaana dadka dhaawacmay loo sameeyay gurmad.
Qeyb ka mid ah tareenku wuxuu ku dhacay waddo hoos marta buundada, wuxuuna saameyn ku yeeshay gaadiidkii oo qaarkood uu dab ka kacay walow si degdeg ah loo damiyay.
Guddoomiyaha gobolka Bryansk Alexander Bogomaz oo ka mid gobolada mashaqadaani ka dhacday ayaa bartiisa elegram kaga hadlay khasaaraha ka dhashay shilka.
“Nasiib darro, waxaa jira toddobo dhimasho ah iyo dad ka badan 66 dhaawacyada qaba kuwaasoo ay caruur ku jiraan”ayuu yiri Gudoomiyaha
XAFIISKA WARARKA
DAYNIILE.COM
