MUQDISHO (DAYNIILE.COM)-Waxaa goor dhaw oo galabta ah Magaalada Muqdisho ka furmay shirka Wada-tashiga Qaran kaasoo u dhexeeya Dowlada Somalia, Maamul Goboleedyada iyo Gobolka Banaadir.
Shirka waxaa soo xaadirey sidii awalba la filaayay afarta maamul ee kala ah SSC Khaatumo,Galmudug,Koofur-Galbeed iyo Hirshabelle,sidoo kale waxaa fadhiya Madaxweyne,Xasan, Ra’iisulwasaare Xamsa,Ra’iisulwasaare xigeenka 1-aad Saalax iyo Duqa Muqdisho Maxamed Axmed Amiir.
Shirka waxaa lagu wadaa dhamaadkiisa inay war murtiyeed isla soo saaraan sida go’aamada ay ka gaaraan masiirka dalka sida nuuca u noqon doono Doorahooyinka Madaxtinio ee dalka ka qabsoomi doonta kadib dhamaadka muda xileedka Dowlada Xassan Sheekh.
Sidoo kale waxaa lagu wadaa inay war-murtiyeedka ku soo daraan qodobo qeexaya wada-jirka dagaalka Dowladu kula jirto kooxda Alshabaab.
War-murtiyeedka shirka ka soo bixi doona wararkeena xiga ayaad kala socon doontaan insha allaah.
XAFIISKA WARARKA
DAYNIILE.COM
