HARGEYSA (DAYNIILE.COM)-Wasiirka Isgaadhsiinta Maamulka Somaliland Jamaal Maxamed Jaamac Cashuur ayaa si ka duwan madaxdii hore ee maamulkaasi uga hadlay arinta booqashada Ra’iisulwasaaraha Dowlada Soomaaliya Xamsa Cabdi-Barre ee Magaalada Laas-caanood.
Wasiirkaan oo ka yara degan kuwii hore islamarkaana u muuqda siyaasi xaqiiqada cagta saaray ayaa daboolka ka qaaday in Magaalada Laas-caanood ay gacantooda ka baxday sanadkii 2022-kii xiligii uu madaxweynaha ka ahaa Somaliland Muuse Biixi Cabdi.
“Tegista Laascaanood ee Xamse Cabdi Barre, Raysal wasaaraha Somalia, waxba kama beddelayso jiritaanka Somaliland”ayuu yiri Wasiirkaasi.
Wasiirka wuxuu intaasi ku daray in Madaxweyne Ciro xilka qabtay iyada oo Laascaanood ay ka maqan tahay gacanta Somaliland.
“Madaxweyne Ciiro laguma canaan karo imaanshaha Xamse Cabdi Barre” ayuu mar kale yiri Wasiirka
Sidoo kale wuxuu carabka ku dhuftay in imaanshaha Laascaanood ee Xamse Cabdi Barre uusan noqonayn mid qaddiyada Somaliland wax ka bedeli kara, islamarkaana Dowlada Somalia iyaga laftigooduna aanu waxba ku biirin karin.
XAFIISKA WARARKA
DAYNIILE.COM
DAYNIILE.COM
