Ciidamo daacad u ah kooxda Ahlu Sunna ayaa maanta dagaal la’aan kula wareegay deegaanka Ceeldheere oo qiyaastii 30-km u jira magaalada Dhuusomareeb ee caasimada maamulka Galmudug.

Deegaanka Ceeldheere waxaa isaga baxay ciidanka dowlada iyo kuwa maamulka Galmudug oo horey ugu sugnaa, waxaana hada deegaanka lasoo warinayaa in gacanta ku hayaan ciidamada Ahlu Sunna.

Ciidamada Ahlu Sunna ee la wareegay deegaanka Ceeldheere ayaa halkaasi ka bilaabay dhaq dhaqaaqyo ciidan, waxaana la sheegay in ciidankan wataan gaadiid dagaal oo aad badan iyo ciidamo deegaano kala duwan ka yimid.

Maamulka Galmudug ayaan wali ka hadlin la wareegida Ahlu Sunna ee magaalada Guriceel iyo  deegaanka Ceeldheere, waxaana hada ka socda Dhuusomareeb dhaq dhaqaaqyo ay wadaan ciidanka dowlada iyo kuwa Galmudug.

LEAVE A REPLY

Please enter your comment!
Please enter your name here