Waxaa goordhaw magaalada Dhuusomareeb ee caasimada maamulka Galmudug dib ugu laabtay Madaxweynaha dowlad goboleedka Galmudug Axmed Cabdi Kaariye Qoor Qoor iyo senataro katirsan Aqalka Sare .

Madaxweyne Qoor Qoor oo maalmihii lasoo dhaafay ku sugnaa magaalada Muqdisho ayaa maanta safar deg deg ah ugu ambo baxay magaalada Dhuusomareeb kadib markii Ahlu Sunna galabta la wareegeen magaalada Guriceel.

Sida aan wararka ku helnay Qoor Qoor iyo xubnaha la socda ayaa magaalada Dhuusomareeb u tagay sidii xal loogu heli lahaa xiisada soo cusboonaatay iyo abaabulka Ahlu Sunna mar kale ku dooneyso in Dhuusomareeb iyo deegaano kale ku qabsato.

Ciidamo daacad u ah Ahlu Sunna ayaa galabta dagaal la’aan la wareegay magaalada Guriceel, waxaana Ahlu Sunna saraakiil katirsan ku hanjabeen in ay dib ula wareegi doonaan deegaanadii horey gacantooda ugu jirtay.

LEAVE A REPLY

Please enter your comment!
Please enter your name here