Madaxweyne Dani iyo Ahmed Madoobe oo cadaadis caalami la saaray

0

Madaxda sare ee Puntland iyo Jubbaland ayaa qorsheynaya iney tagaan magaalada Muqdisho bilowga todobaadka soo socda si ay kulamo ula qaataan Madaxweynaha Somalia Maxamed C/llaahi Farmaajo sida laga soo xigtay ilo wareedyo lagu kalsoon yahay oo ku dhow labada hogaamiye.

Deni iyo Axmed Madoobe ayaa la filayaa iney war murtiyeed wadajir ah oo ku saabsan marxalada siyaasadeed iyo doorashooyinka dalka ka soo saaraan kulamo maalmahan uga socday magaalada Garowe.

Wararka qaar ayaa sheegaya in Madaxweyne Farmaajo uu codsaday inuu Garowe ugu yimaado Madaxda Puntland iyo Jubbaland, balse waxaa la sheegay iney taas diideen ayna door bidee iney iyaga Muqdisho tagaan.

Axmed Madoobe ayaa la filayaa inuu beri ku laabto Kismaayo, ka hor inta uusan todobaadka soo socda booqashada ku imaan magaalada Muqdisho, waxaana arrintan oo dhan ay ka dhalatay cadaadis xooggan oo Deni iyo Axmed Madoobe ka soo wajahay wakiilada beesha caalamka ka dib markii ay diideen ka qeyb galka shirkii Dhuusamareeb 3.

Lama oga in kulanka labada hogaamiye iyo Madaxweynaha Somalia ay ka soo qeyb geli doonaan madaxda kale ee dowlad goboleedyada iyo in kale.

Untitled Document

Ka dhageyso Muxaadaro cusub TEL 001 6057813292

MUXAADARO CUSUB Live UK TEL 03306060934

Fadlan Hadii aad u baahantahay Macluumaad dheeraad ah naga la soo Xiriira.

Email: dayniilecom8@gmail.com

TEL 00254714116520

LEAVE A REPLY

Please enter your comment!
Please enter your name here