Ra’iisul Wasaaraha Xukuumadda Federaalka Soomaaliya Xamse Cabdi Barre ayaa magacaabay Guddiga Kumeel Gaarka ee Doorashooyinka kuraasta ka bannaanaatay Baarlamaanka 11aad.

Wareegtada ka soo baxay Xafiiska Ra’iisul Wasaaraha Soomaaliya ayaa lagu yiri:

Mudane Xamse markuu arkay qodobada 99-aad iyo 100-aad ee Dastuurka KMG ee Jamhuuriyadda Federaalka Soomaaliya iyo go’aanka Guddiga Joogtada ah ee Golaha Shacabka oo tirsigiisu yahay GSH/B11/0522, uuna saxiixay Guddoomiyaha Golaha Shacabka.

Markuu sidoo kale arkay Wareegtadii Lr.60 ee Burinta Xeer Madaxweyne Lr.40 oo uu soo saaray Madaxweynaha Jamhuuriyadda Federaalka Soomaaliya, taas oo lagu kala diray Guddiga Madaxa Bannaan ee Doorashooyinka Qaranka.

May be an image of 8 people, people sitting and people standing

Ra’iisul Wasaaruhu markuu arkay heshiisyadii iyo habraacyadii lagu hirgeliyay doorashooyinka dadban ee Baarlamaanka 11-aad 2021/2022 iyo sidoo kale sharciga buuxinta kursiga ka bannaanaada Golaha Shacabka ee Baarlamaanku ansixiyay 19-kii Abriil 2017.

Wuxuu magacaabay xubnaha Guddiga KMG ee maamulaya doorashooyinka kuraasta ka bannaanaatay Baarlamaanka 11-aad ee Soomaaliya.

Guddiga oo ka kooban 9 xubnood ayaa waxa ay kala yihiin:

  1. Cabdiraxiim Cabdullaahi Shaafici
  2. Cabdirisaaq Diiriye Warsame
  3. Cabdi Hiis Udan
  4. Cabdishakuur Abiib Hayir
  5. Cabdullaahi Cabdi Aden
  6. Mowliid Mataan Salaad
  7. Maxamed Aadan Cismaan Yare
  8. Yusuf Cabdikaadir Maxamed
  9. Zahra Cabdiraxmaan Maxamed

Ugu dambeyn Ra’iisul Wasaaraha Xukuumadda Federaalka Soomaaliya Xamsa Cabdi Barre oo xafiiskiisa ku qaabilay xubnaha Guddigan cusub ayaa faray in waajibaadkooda shaqo ay u gutaan si hufnaan iyo caddaalad ay ku jirto.

LEAVE A REPLY

Please enter your comment!
Please enter your name here