William Amos, oo laga soo doorto degmada Pontiac ee gobolka Quebec ayaa qoraal uu shaaciyay Arbacadii ku sheegay in “dhacdadaas ay yahay khalad nasiib darro ah”.

“Kaamerada ayaa si lama filaan ah u shidmay xilli aan iska bedalayay dhar aan ku orday, oo aan xiranayay dharka shaqada,” ayuu yiri siyaasi William Amos.

Sawirro laga qaaday muuqaalka oo lagu baahiyay baraha bulshada ayaa muujinaya Amos oo telefoon ku haya cawradiisa.

Siyaasiga ayaa la arkayay isaga oo taagan gadaasha kursi u dhaw miis ay geesaha ka yaallaan calamada gobolka Quebec iyo kan dalka Canada.

Dhakhtar qalliin sameynayay oo maxkamad uga soo biiray Zoom
Garyaqaanka “bisadda u ekaaday” ee dunida qabsaday

Wariye caan ah oo shir dhexdiis isku qaawiyay, shaqadiina sidaas ku waayay
Waxa uu sheegay inuu ka xumaaday dhacdadaas oo uu ku tilmaamay “khalad uusan ula kac u samayn” oo aan mar kale ka dhici doonin.

Waxa uu raali-gelin buuxda siiyay xubnaha baarlamaanka gobolkaas oo uu sheegay in si aan ula kac ahayn uu uga weeciyay hawlahooda.

Xubin ka tirsan xisbiga Bloc Québécois oo lagu magacaabo Claude DeBellefeuille ayaa dhacdaas kadib sheegtay inay muhiim tahay in “xubnaha baarlamaanka, gaar ahaan ragga, la xusuusiyo in ay khasab ku tahay xirashada jaakad iyo garabaati”.

Waxa ay intaa raacisay in loo baahan yahay in xubnaha baarlamaanka ay ka taxaradaan kaamerooyinka, si aanay ula kulmin weji gabax uga yimaada bulshada.

Dhacdooyinka noocan ah ayaa ku soo badanayay internet-ka tan iyo markii uu xanuunka Covid-19 sababay in dadka ay guryahooda ka soo shaqeeyaan.

BBC
Office Nairobi

LEAVE A REPLY

Please enter your comment!
Please enter your name here