Qaraxyo iyo Dilal ka dhacay Muqdisho ayaa waxaa xalay ciidamada ammaanka baaritaano ka sameeyeen qaar ka mid ah degmooyinka gobolka Banaadir.

Taliye Xigeenka Ciidanka Boliiska Soomaaliyeed, S/Guuto Osman Cabdulahi Maxamed (Kaniif) ayaa xalay  kormeer ku tagay qaar ka mid ah Saldhigyada degmooyinka Xamarweyne, Shibis iyo Boondheere, isaga oo Taliyuhu Ciidamada kula dardaarmay feejignaan dhanka Amaanka ah.

Taliyaha ayaa sidoo kale waxaa uu ciidamada booliska Soomaaliya ka dalbaday in ay sugaan amniga degmooyinka, si looga hortago falalka amni daro ee ka dhaca magaalada Muqdisho

Kormeerka taliye ku xigeenka ayaa waxaa uu ku soo aadaya kadib markii ay kordheen qaraxyada iyo dilalka qorsheysan oo ay Al-shabaab ka fuliyaan magaalada Caasimada ee Muqdisho.

 

LEAVE A REPLY

Please enter your comment!
Please enter your name here