Wasaaradda Difaaca Japan ayaa sheegtay in xubno ka tirsan ciidamada difaaca Japan ee ku howlgalka magaca la-dagaallanka burcad-badeedka Soomaaliya ee ku sugan Jabuuti uu ku dhacay cudurka loo yaqaan ‘coronavirus’.

Ilaa 180 ka tirsan ciidanka Difaaca Japan ayaa hadda ku sugan saldhigga howlgalka ee Jabuuti.

Wasaaradda ayaa sheegtay in dhammaan askarta la baaray ka dib markii la xaqiijiyay in xubno ka tirsan ay qaadeen xanuunka Jimcihii la soo dhaafay iyo Sabtida. 17 askari oo dheeri ah ayaa laga helay xanuunka, taas oo ka dhigeysa wadarta guud 21.
Askarta qaaday cudurka ayaa hada xaaladoodu wanaagsan tahay isla markaana la karantiilayo.

Fayriska ayaa markii hore laga soo sheegay shaqaalaha taageera ee mas’uulka ka ah amniga saldhigga, laakiin kiisaska cusub ayaa la sheegay in ay ku jiraan shaqaale diyaaradeed oo loo xilsaaray howlaha ilaalada iyo dabagalka.
.

Office Nairobi

LEAVE A REPLY

Please enter your comment!
Please enter your name here