Muqdisho (dayniiile.com)-Waxaa maanta la soo saaray liiska Xulka K/cagta Qarankeena Soomaaliya iyadoona arinta lala yaabay ay noqotay in liiska laga waayay weerar-yahanka caanka ah Anwar Shakuundha kaasoo u ciyaara kooxda Dekada.
Talaabadaan waxaa qaaday Macalinka xulka qaranka ee u dhashay dalka Marooko kaasoo lagu magacaabo Rashid Lousteque, xili Anwar uu Line up ka ahaa xulka Somalia safaradii ama tartamadii u danbeeyay ee xulkeena ka qeybgalo.
Dhanka kale Macalinka wuxuu soo xushay kuna soo daray xulka Qaranka ciyaaryahanka da’da yaer ee C/xafiid oo snadkii hore ku soo caan baxay xulka 17 jirada qarankeena Soomaaliya.
waxaa xusid mudan in weerar yahan Anwan Shakundha uu maalmo ka hor kooxda Dekada u qaaday Koobkii Jen Daud sidoo kalana uu ku guuleystay gooldhalinta tartankaasi taasoo muujineysa inuu wali yahay weeraryahanka kaliya ee Xulkeena matali kara.
Waxaa macquula inuu buuq ka dhex dhaliyo taageerayaasha kubada cagta iyo xitaa masuuliyiinta kooxaha qaarkood madaama Anwar Shakuundha uu yahay ciyaaryahan wali ku jira qaab ciyaareed wanaagsan.
XAFIISKA WARARKA
DAYNIIILE.COM
