BUULO-BURDE (DAYNIILE.COM-Kooxda Alshabaab ayaa warbaahinta usoo bandhigeen diyaarad nuuca aan duuliyaha lahayn oo ku soo dhacday deegaan ay iyagu ka taliyaan.
Deegaanka Alshabaab Maamulaan ee Drons-kaani ku dhacday ayaa ku dhaw Magaalada Buulo-burde ee Gobolka Hiiraan.
Sida ka muuqata sawirada ay Alshabaab soo bandhigeen diyaaradaan waxaa ku xiran kaamirooyin waa weyn inkastoo aysan alshabaab sii faahfaaiin.
Drons-kaa waxaa loo maleynayaa in laga leeyahay Dalka Mareykanka madaama ay yihiin kuwa ugu badan ee ka howl gala Somalia.
Inta badan drons-ka Mareykanka waxay basaasaan oo xitaa duqeeyaan dagaal yahanada Alshabaab ee ka howlgala koonfurta Soomaaliya.
Dhanka kale Dowlada Somalia iyo dalka laga leeyahay midkoodna wali kama hadlin diyaarada soo dhacday iyo sababta.
XAFIISKA WARARKA
DAYNIILE.COM
