Kadib markii shalay Dowlada Somalia dalkeeda ka ceyrisay Safiirka Itoobiya ee Somalia ku sugnaa iyo xiristii qunsuliyadaha Garowe iyo Hargeysa ayay dhinacyadu war ka soo wada saareen walow tii puntland aan hore idinku soo gudbinay.
Dowlada Itoobiya waxaa u hadlay Af-hayeen u hadlay wasaaradda arrimaha dibadda Itoobiya oo lagu magacaabo Nebiyu Tedla.
Afhayeenka wuxuu ku gaabsaday in Itoobiya warba u heyn wararkaani sheegaya in Safiirkoodii la soo eryay.
“markii ugu horreysay arintan waxaan ka maqalnay oo si rasmi ah u shaaciyay xafiiska ra’iisul wasaaraha Soomaaliya”ayuu yiri afhayeen u hadlay wasaaradda arrimaha dibadda Itoobiya, Nebiyu Tedla.
Sidoo kale Maamulka Somaliland waxaa u hadlay Wasiir xigeenkooda arrimaha dibadda Rooda Jaamac taasoo sheegtay in inaysan qusayn go’aanka ka soo baxay dowladda Federalka.
Rooda Jaamac oo la hadleysay BBC Somalia waxay intaasi ku dartay in xiriirka Itoobiya iyo Somaliland uu yahay mid quseeya labada dhinac ayna xoojinayaan.
“sinaba nooma quseeyo wax lagaga hadlay Xamar, Itoobiya iyo Somaliland waxaa ka dhexeeya xirir wanaagsan,mida kale qunsuiyada Itoobiya muddo ayey ka furnayd Hargeysa inuu xiriirkeennu sii ballaarto maahee ma yaraanayo,” ayey tiri Rooda
XAFIISKA WARARKA
DAYNIILE.COM