MUQDISHO (DAYNIILE.COM)-Dowlada Somalia ayaa xalay Xaflad soo dhaweyn ah waxay Magaalada Muqdisho ugu sameeyeen Sheekh Xuseen Cali Jabuuti iyo iyo Sheekh Cabdiraxmaan Macalin Jigjiga oo ka mida Culumaa’udiinka caanka ah ee ka shaqeeya fidinta Diinta Islaamka.
Munaasabada oo ahayd casho sharaf ayaa Shiikha asxaabtiisa waxaa loogu sameeyay Xarunta Dowlada hoose ee Maamulka Gobolka Banaadir.
Xaflada waxaa soo abaabulay Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) .
Casha sharaftaan waxaa ka soo qeyb-galay wasiirka arimaha gudaha Somalia Axmed Macalin Fiqi,Taliyaha Ciidanka Booliiska Gobolka Banaadir,Taliyaha booliiska Gobolka Banadir,Labada Gudoomiye xigeen ee Maamulka Gobolka Banaadir Maxamed Diiriye Yabooh iyo Ccadiis masuuliyiin kale sida Xildhibaan Dr.Cusmaan Dufke .
Culumadan oo ka kala imaadeen Bariga Afrika ayaa u yimid Xamar inay bulshada ugu nasteexeeyaan Diinta Islaamka,waxaana hogaaminaya Sheekh Xuseen Cali Sugaal (Sheekh Xuseen Jabuutaawi) iyo Sheekh Cabdiraxmaan Macalin Jigjiga.
Masuuliyiinta aan kor ku soo sheegnay ayaa hadalo kooban oo soo dhaweyn ah ka jeediya xaflada l.
XAFIISKA WARARKA
DAYNIILE.COM
