Muqdisho (dayniiile.com)-Masuuliyiin ka kala socday Xukuumada Soomaaliya iyo Maamulka Gobolka Banaadir ayaa maanta ka qeybgalay xaflad ay qalin jabinayeen boqolaal ardey oo ka tirsan Jaamacada SIU ee Magaalada Muqdisho.
Sidoo kale marti sharaf dhanka waxbarashada ah ayaa ka soo qeybgalay kuwaasoo dhamantood hadalo dhiiri gelin ah ka jeediyeen xaflada ardeyda Soomaliyeed farxadoodu loola qeybsanayay.
Masuuliyiinta maanta munaasabada ka qeybgashay waxaa ka mida Gudoomiyaha Maamulka Gobolka Banadir ahna duqa Muqdisho Yuusuf xuseen Jimcaale (Madaale) iyo Wasiir ku-xigeenka Warfaafinta XFS Mudane Cabdiraxmaan Yuusuf Al-Cadaala.
Sidoo kale waxaa goob joog ka ahaa Guddoomiye ku-xigeenka Amniga iyo Siyaasada Maamulka Gobolka Banaadir Mudane Maxamed Axmed Diiriye (Yabooh).
Munaasabada maanta waxaa ku qalinjabinayay 633-ardey kuwaasoo dhameystay waxbarashadooda jaamacadeed ee heerka koowaad gaar ahaan dufcadii 8-aad ee Jaamacada S.I.U.
Gudoomiyaha Gobolka Banaadir ayaa sharaxaad ka bixiyay faa’iidada ay leedahay waxbarashada isagoona kuwa hada dhameystay aqoontooda uga sii faa’iideeyaan jiilka ka danbeeya.
XAFIISKA WARARKA
DAYNIIILE.COM