KANSAS (DAYNIILE.COM)-Waraka laga helaayo Dalka Mareykanka ayaa sheegaya in rasaas lagu furey Dad shacaba ay sababtay dhimasho iyo dhaawac.
Dhacdadaan ayaa ka dhacday magaalada Kansas ee gobolka Missouri ee dalka Mareykanka kadib markii kooxo hubeysan rasaas ooda uga qaadeen taageerayaal koox ciyaarta kubad tuurka Mareykanka.
Rasaasta waxaa ku dhintay 1 ruux halka 22 kale ay ku dhaawacmeen kuwaasoo badankood liitaan’sidoo kale waxaa ku jira dhaawacyada 8 carruur ah.
Shacabka la laayaya ayaa ahaa taageerayaal u dabaal-dagayay guushi ay kooxda Kansas City Chiefs ay todobaadkaan kasoo hoysay Koobka NFL ee Kubad-tuurka Mareykanka.
Taliyaba Booliiska Magaalada Kansas oo lagu magacaabo Stacey Graves ayaa mar uu ka hadlaayay falkaani wuxuu sheegey inay sedex ruux usoo xireen isla-markaana la baarayo.
XAFIISKA WARARKA
DAYNIILE.COM