Kismaayo (dayniiile.com)- wararka laga helaayo Gobolka Jubada hoose ayaa sheegaya in roobab waa weyn ay saacidihii ugu danbeeyay ka da’een Magaalada Kismaayo ee Xarunta Gobolkaasi.
Daadad ka dhashay biyaha roobabkaani ayaa harqiyay qaar ka mida ah xaafadaha Magaalada Kismaayo sida shaqaalaha iyo Isku filn,xili biyuhu guryaha ugu galeen qoysaska.
Wararka laga helaayo Kismaayo ayaa intaasi ku daraya in roobabkaani ay si gaar ah u saameeyeen dadka danta yar ee degan guryaha liita iyo kuwa kaamamka degan ee awalba ku jiray aqalo ka sameysan cooshado.
Sidoo kale wararka ayaa tilmamaya in roobabku intooda badan ay ku hooreen duleedka Kismaayo halka lagu magacaabo Cabdalle-Biroole halkaasoo ay biya badan fadhiyaan.
Dhawaan ayay ahayd markii Madaxweynaha Jubaland uu sheeegayay in roobabka ka da’ay Gobolada Maamulka Jubaland uu u badan yahay Gobolka Geddo islamarkana ay hayaan geerida 14 ruux oo roobabkaasi ku baxay.
XAFIISKA WARARKA
DAYNIIILE.COM
