Muqdisho (dayniiile.com)-Maxkamada Racfaanka Gobolka Banaadir ayaa maanta dhageystay eedeysanayaal racfaan ka qaatay xukun hore ay ugu riday maxkaada gobolka banaadir.
Eedeysanayaasha oo ka tirsan hay’ada socdaalka iyo jinsiyadaha ayaa maanta la dhegestay racfaan qaadashooda waxay salka ku heyso.
Eedeysanayaasha oo afar ruux ayaa kala ah:-
1-Saabir Xasan C/laahi oo hore loogu xukumay sedex sano
2-C/laahi Maxamuud Cosoble oo hore loogu xukumay hal sano
3-Cumar Macalin Nuur oo hore loogu xukumat hal sano
4-Aadan Maxamed Cabdi oo maxkamadu fasaxday balse ay ku dhan yihiin xeer ilaalinta
Xeer ilaaliye xigeenka Maxmada ayaa sheegay in xukunkii lagu fasaxay eedeyane Aadan Maxamed Cabdi uu ahaa mid baadil ah sharcigana aan wafaqsaneyn wadada loo maray in la fasaxo isagoo tusaale u soo qaatay qodobo dhowr ah oo sida uu sheegay la baal maray sida inaaney maxkamadii sii daysay cadeyn eeda loo heystay waqtigey dhacday iyo goobta ay ka dhacday.
Si kastaba Gudoomiyaha Maxkamada Racfaanka ayaa laga sugayaa inuu go’aan ka qaato racfaan qaadashadaan.
XAFIISKA WARARKA
DAYNIIILE.COM
