Dhuusa-mareeb (dayniiile.com)- Inta badan qeybaha bulshada Magaalada Dhuusa-mareeb ayaa maanta shaqooyinkoodii oo dhan u joojiyay sideey uga xun yihiin falkii foosha xumaa ee xalay labada ganacsade loogu dilay Magaaldaasi.
shacabka ,bahda waxbarashada,waxgaradka iyo ganacsatada ayaa si ay u muujiyay inay xun yihiin falalkaasi dilka ahaa waxay maanta joojiyeen waxbarashadii,ganacsigii iyo dhaq dhaqaaqyo kale.
Sidoo kale waxay isugu soo baxeen baxeen dibad bax ay ku miijiyeen sidaysan raaliga uga ahayn dilalka dadkaasi ganacsatadaa.
Guud ahaan waxaa maanta xiran goobihii ganacsiga iyo iskuuladii iyadoo ugu danbeyna dadku u jiheysteen banaanbaxa.
inta badan dadkii hadlay waxay muujiyeen sideey uga xun yihiin dhacdadaasi foosha xumeyd ee kala geyneysa dadka walaalaha ah.
“shalay galab ayaan ka arinsanay sidii aan lacag iskaga aruurin laheyn lagu furo Kanaalka biyaha magaalada ka qaada, xalayna waa la dilay”ayuu yiri Guddoomiyaha Ganacsatada dhuusamareeb Cabdulqaadir Furre oo ka hadlayay dhacdada dilka
Sidoo kale Wasiirka Waxbarashada Galmudug Maxamed Xaashi Dhoore ayaa isna ka dhawaajiyay in sharaftii reer Dhuusamareeb uu dilay falkaasi.
Guddoomiyaha Dhuusamareeb oo isna ka hadlay banaanbaxa ayaa sheegay diyaar u yihiin in lasoo qabto gacan ku dhiiglayaasha oo sharciga la marsiiyo
XAFIISKA WARARKA
DAYNIIILE.COM