Waxaa sii kordhay tirada dadka ku geeriyoonaya daadadka ka dhashay roobabka Elnino iyo fatahaadaha Wabiyada deegaanada Maamulka Jubaland.
xildhibaan Mustaf Maamoow Geedi oo ka mid ah golaha wakiilada Jubbaland una waramayay Idaacada VOA Somali ayaa tilmaamay in dhimashadu hada kor dhaaftay 20 ruux xili maalmo ka hor Madaxweyne Axmed Madoobe shaaciyay dhimashada 14 ruux
Sidoo kale waxaa barakacay 20 kun oo qoys oo qaarkood wali ku go’doonsan yihiin deegaanada jubaland qaarkood, gaar ahaan dhanka shishe ee wabiyada sida Dooloow ee gobolka Gedo.
“Waxaa laga deyrinayaa xaaladda dadkaas ay ku nool yihiin kuwaasi oo aanan helin samitixin, waxaana ay qarka u saaranyihiin in ay macluul u dhintaan”ayuu yiri xildhibaan Mustaf Maamoow Geedi oo ka mid ah golaha baarlamaanka Jubbalan oo wareysi siinayay VOA
XAFIISKA WARARKA
DAYNIIILE.COM
