Ciidamada Daraawiishta Maamulka Puntland ayaa saddexdii maalmood ee u dambeysay fuliyey hawlgallo cir iyo dhul ah oo qorsheysan, kuwaas oo laga sameeyay deegaannada ku teedsan togagga Sadow, Cadalle, iyo lugaha Raa-raha ee tog-weynaha Baallade.
Hawlgalladan oo si xeeladaysan loo fuliyay ayaa ciidamada u suurtageliyay inay la wareegaan gacan ku haynta deegaannadaas muhiimka ah, kuwaas oo muddooyinkii u dambeysay ay ku dhuumaaleysanayeen kooxaha argagixisada.
Intii uu socday hawlgalku, ciidamada Daraawiishta waxay guulo la taaban karo ka gaareen cadowga, iyagoo ka furtay hub, isla markaana ka dilay tiro ka mid ah sharwadayaasha argagixisada ah.
