- Sida goor dhaw lagu baahiyay Warbaahinta Dowlada Ciidamada Qaranka ayaa saakay fashiliyey weerarkii Saaka Alshabaab ku soo qaadeen Balcad.
“Ciidamada qaranku waxay fashiliyeen dhagar ay Khawaarijtu u soo maleegtay shacabka degmada Balcad ee gobolka Shabeellada Dhexe, kadib markii gaari laga soo buuxiyey waxyaabaha qarxa ay isku dayeen inay magaalada soo geliyaan”ayaa lagu yiri warka dhanka Dowlada
Sidoo kale warkaan waxaa lagu xusay in Ciidamada geesiyaasha ah ay ka hor tegeen weerarka Alshabaab.
“waxaana meel cidlo ah ku qarxay gaarigii cadowgu damacsanaa inuu ku dhibaateeyo shacabka, kaas oo loo soo ekeysiiyey gaari rakaab ah”ayaa mar kale lagu yir warbixinta Dowlada
Dagaalka saaka waxaa ku burburey guryo shacabku lahaayeen oo ka dhawaa halka qaraxu ka dhacay iyadoona la sheegin khasaare nafeed.
Dhanka khasaaraha soo gaaray Ciidanada waxay Dowladu qiratay dhaawacyada sedex askari
XAFIISKA WARARKA
DAYNIILE.COM