Gudoomiyaha Gobolka Banaadir ahna duqa Muqdisho Yuusuf Madaale oo dhawaan u safray furumaha dagaalka Gobolka Sh.dhexe ayaa hadal dhiiri gelin ah wuxuu u jeediyay Ciidamo ka tirsan kuwa Dowlada iyo kuwa deegaanka
Duqa Muqdisho oo ku sugan deegaanada Cadaan laxeey iyo cad-cadeey ee Degmada Ruunir-good ayaa ciidamada uga digay inay laba kaarlayaal noqdaan.
“Ma fiicna inaad xaga jirto intana jirto, dhinac kaliya ka tirsanoow waliba noqo qof difaacda naftiisa,maalkiisa iyo ehelkiisa”ayuu yiri Duqa Muqdisho
Gudoomiye Madaale wuxuu ciidamada ku dhiiri geliyay dagaalka Alshabaab looga soo horjeedo isagoona xusay in hal mar kaliya qofku dhimanaayo.
“Wali ma aragteen qof laba mar dhimanaaya ma iirto,naftu mar bay go’daa marka waqtigaada hakuu noqdo adoo difaacaaya naftaada,maalkaada iyo dadkaada”ayuu mar kale yiri Duqa Muqdisho.
Dhanka kale mar uu soo hadal qaaday cabasho ay soo jeediyeen dadka deegaanka gaar ahaan ceelka biyaha ayuu balan qaaday inta karaankiisa inuu wax ka qabanaayo cabashdaasi.
XAFIISKA WARARKA
DAYNIIILE.COM
