Wararka laga helaayo Deegaanada Maamul Goboleedka Jubaland ayaa sheegaya in howlgalo milatari oo ka dhan ah Alshabaab laga fuliyay duleedka Magaalada Kismaayo.
Howlgalkaan oo ay iska kaashadeen Ciidamada Xooogga Dalka gaar ahan kumaandooska Danab iyo Maamulka Jubaland ayay isku fara saareen kooxda Alshabaab oo godad ka qotay deegaano dhaca galbeedka Magaalada Kismaayo.
Deegaanada Ciidamadu gaareen isla markaana Howlgalada ay ka fuliyeen waxaa ka mida Barjala, Dharkayn urur, Sariiraha, Orgiyow, Yaaq caleen iyo Aboodin.
Sida warbixnta howlgaladan ka soo baxay lagu sheegay Ciidamada ayaa ku guuleystay inay godadka ka saaaraan dagalamayaasha Alshabab ayna u carareen dhanka Magaalada Jilib.
Dagaalamayaal ajaanib ah ayaa la sheega inay ka bar bar dagaalamayeen Alshaabaab xiliga howlgaladani socdeen.
Masuuliyiintu waxay ku eedeeyeen Alshabaab in weeraro ay ka soo qorsheeyaan godadkasi dhulka hoostiisa ah kadibna ay isku dayaan inay ku dhibaateeyaan xerooyinka Ciidamada iyo dadka shacabka ee ku safra wadooyinka howdka.
XAFIISKA WARARKA
DAYNIIILE.COM
