Muqdisho, 23 March 2024: Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa xarunta Degmada kaaraan kulan Afur Wadareed ah kula qaatay Maamulka, Odayaasha, Siyaasiyiinta, Haweenka iyo qeybaha kala gedisan ee Bulshada reer Kaaraan.
Afur Wadareedkaan oo ay iska kaashadeen Wasaaradda Arrimaha Gudaha XFS iyo Maamulka G/Banaadir ayaa waxaa goobjoog ka ahaa Wasiirka Wasaaradda Arrimaha Gudaha XFS Mudane Axmed Macalin Fiqi, Taliyaha Ciidanka Booliiska Soomaaliyeed Sarreeye Guuto Sulub Axmed Firin, Guddoomiye Kuxigeenka Amniga & Siyaasadda Gobolka Banaadir Mudane Maxamed Axmed Diiriye (Yabooh), qaar ka mid ah Guddoomiyeyaasha Degmooyinka G/Banaadir iyo marti sharaf kale.
—DHAMAAD—
