HARGEYSA (DAYNIILE.COM) Fanaanada caanka ah ee Ugbaad Maxamed Cabdi Aragsan ayaa duhurnimadii maanta xabsiga Hargeysa laga sii daayay.
Maxkamada Maroodi-jeex ayaa cadeysay in dacwadii lagu soo xirey ay Booliisku ka laabteen sidaas daraadeedna xoriydeeda loo celiyay.
Fanaanadaan oo la xirey 16-kii bishaan ayay Boolisku ku eedeeyeen falal anshaxa Islaamka ka soo horjeeda, ugu danbeyna maanta duhuadii ayaa laga sii daayay xabsiga Hargeysa.
Qareenada u doodaayay fanaanada iyo odey dhaqameedyada reerkeeda ayaa dadaal ku bixiyay sidii fanaanada lagu sii deyn lahaa ilaa ay kaga guuleysteen.
XAFIISKA WARARKA
DAYNIILE.COM
