MUQDISHO (DAYNIILE.COM)- Askari Dowlada ka tirsan ayaa si bareer ah wuxuu gurigiisa ku toogtay xalay afurkii Allaha u naxariistee Mahad Max’ud Axmed (Mahad Boorow) oo ahaa Guddoomiyihii ciyaaraha degmada Waaberi ee Magaalada Muqdisho.
Maanta ayuu u geeriyooday Gudoomiyaha dhaawicii ka soo gaaray toogashadii shalay waxaana lagu wadaa in isla maanta la aaso ayna ka soo qeybgalaan ehel iyo asxaab.
Askatiga gacan ku dhiiglahaa waxaa la sheegay inuu ka carooday kadib markii shalay galab ciyaar ka socotay garoonka xarunta Degmada uu Gudoomiyuhu ka kiciyay askariga qeybta VIP.
Xiligii afurkii soo dhawaa ayuu isagoo qorey wata wuxuu tagay guriga Gudoomiyaha kadibna qoyskiisa ayuu ku dhex toogtay.
Ehalada iyo asxaabta Gudoomiyaha la dilay ayaa dalbanaya inay Dowlada Soomaaliya la helaan cadaalad.
Sidoo kale Taliska Booliiska Degmada waabari ayaa lagu wadaa inuu talaabo qaado, maxkamadana soo taagaan gacan ku dhiiglaha
XAFIISKA WARARKA
DAYNIILE.COM
