Taliyaha ciidanka dhulka ee xoogga dalka Soomaaliyeed Jeneraal Dayax Cabdi Cabdulle ayaa gaaray degmada Afgooye ee gobolka Shabeellada Hoose, isagoo kormeeray saldhigyada ciidamada xoogga degmadaas.
Saraakiil uu ka mid yahay Abaanduulaha
qeybta 12-ka April G/Sare Warsame Maxamed Diiriye ayaa Taliye Dayax ku soo dhaweeyey Afgooye, taliyaha ayaa ciidanka faray inay u diyaar garoobaan howlgallo culus oo Khawaarijta looga sifeyn doono deegaanada ay uga dhuumaaleystaan Sh/Hoose.
Advertisement
Taliyaha Ciidanka dhulka ee xoogga dalka Soomaaliyeed oo maalmihii la soo dhaafay ku sugnaa gobolka Sh/Hoose ayaa sheegay inuu socdo diyaar garowga dagaalka guud ahaan dalka looga xoreynayo argagixisada.
