MUQDISHO (DAYNIILE.COM)-Waxaa shalay Muqdisho ka howl gashay Diyaarada Kenyan Airways ee laga leeyahay Dalka Kenya.
Diyaaraddaan oo siday kaargow ayaa jimcihii soo gaartay Magaalada Muqdisho iyadoo Cargow ka keentay dhanka Dalka Carbeed ee Imaaraadka.
Waxaa jirta baahi badan oo loo qabay dhanka Caargowga marka la eego ganacsiga nooga yimaada Carabta taasol hada u muuqata in shirkadaani dabooli karto.
Wararka ku dhaw dhaw shirkadaan ayaa sheegaya inay asbuuc kasta mar iman doonto ,iyadoo bisha Apriil-na lagu wado in la gaarsiin doono asbuucii laba jeer.
Agaasimaha xamuulka ee Shirkadaan KQ Dick Murianki ayaa muujiyay mar uu ka hadlaayay arinta sida uu ugu faraxsan yahay shaqada ay Somalia ka bilaabeen
Baahida ugu weyn ee reer Muqdisho u qabaan ayaa ah alaabaha Elekroonikada ee degdega loogu baahdo, sida qalabka korontada iyo baabuurta.
Dhanka kale diyaaradaani Cargow kaliya uma imaaneyso Somalia balse waxay sameyn doontaa duulimaadka rakaabka ee Nayroobi iyo Muqdisho.
XAFIISKA WARARKA
DAYNIILE.COM