Ciidamada Sirdoonka Maamul Goboleedka Puntland ayaa la soo sheegayaa inay gacanta ku dhigeen laba nin oo ka tirsan dagaal-yahanada Daacish ee ka dagaalama buuraha Buusaaso.
Garoonka diyaaradaha Boosaaso ayaa lagu qabtay xili ay ka yimaadeen dhanka Magaalada Muqdisho iyagoo ka soo dhoofay sida ay sheegeen garoonka diyaaradaha Adan Abdulle Airport ee Magaalada Muqdisho.
Saraakiisha reer Puntland ayaa mar ay saxaafada la hadlayeen waxay sheegeen in labada nin mid ka mida uu yahay sarkaal sare oo Daacish u qaabilsan qorista ciidamada cusub ee ku soo biiraya.
Sidoo kale masuuliyiinta Puntland waxay wax lala yaabo ku tilmaameen sida sarkaalkaan daacish ka tirsan uu ku soo gudbay Garoonka diyaaradaha Muqdisho oo ay ka howlgalaan Ciidamada Sirdoonka Qaranka Soomaaliya.
Si kastaba wali wax wara kama soo bixin dhanka Dowlada Soomaaliya waliba saraakiisha NISA ee ka howlgala garoonka Aadan Abdulle ee Muqdisho.
XAFIISKA WARARKA
DAYNIIILE.COM
