Warbixino laga helaayo CIA-da Mareykanka ayaa sheegaya inay bilaabeen dhaq dhaqaaqyo ay Yuhuudu garab ugu siinayan sidii ay Maxaabiista laga heysto xoog ugu soo furan lahaayeen.
Wargeyska The New York Times ee ka soo baxa dalka Maraykanka oo soo xiganaya sarkaal Maraykan ah oo magaciisa qariyay ayaa sheegay in CIA-du samaysay guddi cusub oo soo bandhigay xog ku saabsan hoggaanka Xamaas iyo sidoo kale halka ay ku sugan yihiin maxaabiis Israa’iili ah oo lagu haysto Gaza.
Warbixintu waxa kale oo ay sheegtay in saraakiisha Maraykanku ay rumaysan yihiin in madaxa Xamaas Yahya Sinwar uu ku dhuumanayo qayb ka mida tunnel-ka ay adeegsato Xamaas ee ku taal Khan Younis.
Sidoo kale waxa la rumaysan yahay in Madaxa Xamaas uu isku gadaamay maxaabiista Yuhuuda, taas oo adkeynaysa hawlgal kasta oo la isku dayo in lagu dilo ama lagu soo qabto.
SOURCE ALJAZERA
XAFIISKA WARARKA
DAYNIIILE.COM
