Garbahaareey (dayniiile.com)-Roobab waa weyn ayaa ka da’ay saacadihii ugu dambeeyay Gobolka Geddo kaasoo saameyn khasaare nafeed iyo mid hantiyeed ku yeeshay bulshada.
Roobka oo ka da’ay Magaalada Garbahaareey ee Xarunta Gobolka Geddo waxaa uu sababay dhimashada 2 ruux iyo dhawaca mid kale sida ay sheegtay Idaacada Kulmiye.
Khasaarahaan dhimashda ayaa ka dhashay markii uu soo dumay guri ku yaal Magaalada Garbahaareey sabab la xiriirta culeyska uu lahaa roobku.
Allaha u naxariistee dadka geeriyooday ayaa la sheegay inay ahaayeen xoogsato gurigaasna kiro ku daganaa.
Dhanka kale Roobab kale oo ka da’ay isla Gobolka Geddo gaar ahaan Magaalada Baardheere ayaa gaystay khasaare hantiyeed iyadoo bur burna uu soo gaaray buundadii magaaladaasi.
XAFIISKA WARARKA
DAYNIIILE.COM
