Madaxweynaha Soomaaliya Xasan Sheekh ayaa ku Casuumay Madaxweynaha Maamulka Puntland shirka wada-tashiga qaran isaga iyo madaxda kale ee Maamulada dalka sidaan wararkeeni hore idinu soo gudbinay.
Dadka siyaasada u dhuunduleeda ayaa shaki weyn gelinaya in Saciid Dani uu ka qeybgeli doono shirka wada-tashiga qaran iyagoo taa badalkeeda aaminsan inuu diidi doono madaama uu jiro khilaaf kala dhexeeya Dowlada Somalia.
Shirkaan Madaxweyne Xasan isugu yeeray Madaxda Maamul Goboleedyada ayaa ku soo aadaya xili saacadihii ugu danbeeyay ay nairobi kulamo ku lahaayeen madaxda mucaaradka oo ay ka mid yihiin Xasan Cali Kheyre,Shariif Sheekh Axmed iyo C/raxman Cabdi-shukuur Warsame.
Siyaasiyiinta Mucaaradka waxaa la sheegay inay ku mashquulsan yihiin sidii ay u sameynsan lahaayeen isbahaysi xoog leh oo ay kaga hor tagaan Madaxweynaha hada talada haya Xasan Sheekh.
XAFIISKA WARARKA
DAYNIILE.COM