GAROWE (DAYNIILE.COM)-Madaxweynihii hore ee Soomaaliya Xildhibaan Shariif Sheikh Axmed ayaa goor dhaw gaaray Magaalada Garowe ee Xarunta Maamulka Puntland.
Xildhibaan Shariif Sh.Axmed waxaa si weyn loogu soo dhaweeyay Garoonka diyaaradaha magaalada Garowe,waxaana halkaas kaga hor tagay Madaxweynaha Puntland Saciid C/llaahi Deni.
Maalin ka hor waxaa isna gaaray Garowe Madaxweynihii hore Xildhihaan Maxamed C/llaahi Farmaajo iyadoona lagu wado in Garowe uu ka bilowdo kulamo u dhexeeya Madaxweynayaasha hore iyo Madaxweynaha Puntland.
Dhinacyadaan oo la hadal hayo inay wadaan qorshe ay ku mideynayaan siyaasadooda mustaqbalka marka doorashda la gaaro ayaa salka ku heysa sidii midkood Madaxweyne uga noqon lahaa Soomaaliya.
Sidoo kale waxay doonayaan inay si mideysan uga hor tagaan qorshaha wax ka badalka Dastuurka iyo ansixintiisa kaasoo ay wadaan Golaha Shacabka Soomaaliya.
Siyaasiyiintaan waxay saluugsan yihiin habka iyo wadada ay Dowlada Xasan Sheekh u mareyso ansixinta Dastuurka oo ay ka dbex arkaan in Madaxweyne Xasan danihiisa kursiga ku dabaqayo habka dasatuur ansixinta.
XAFIISKA WARARKA
DAYNIILE.COM
