MUQDISHO (DAYNIILE.COM)-Xildhibaanada Labada aqal ee Baarlamaanka Soomaaliya ayaa saaka ku balansan xaruntooda Muqdisho iyadoo lagu wado inuu shir gudoomiyaan Gudoomiyayaasha Golaha shacabka Aadan Madoobe iyo aqalka sare Cabdi-Xaashi.
Kulanka saaka oo daba socda kulamadii ka doodista wax ka badalka dastuurka iyo ansixintisa ayaa saaka waxaa lagu wadaa inuu qeyb kale u sii gudbo.
Shirkii Khamiistii ay yeesheen Gudiga joogtada ee labada aqal ee Baarlamaanka ayaa lagu go’aamiyay ajandaha saaka laga doodi doono.
Guddoomiyaha Guddiga Dastuurka labada aqal ee Baarlamaanka 11-aad Xil. Xuseen Iidow ayaa shirkii Khamiistii ka sheegay in shirka saaka la bilaabi doono ka doodista dastuurka cutubkiisa labaad,xili uu guddiga uga warbixiyay fahamka iyo halka uu maraayo doodaha iyo shintiriska Dastuurka.
XAFIISKA WARARKA
DAYNIILE.COM