MUQDISHO (DAYNIILE.COM)-Banaan-bax Balaaran ayaa lagu wadaa inuu saaka ka dhaco Magaalada Muqdisho kaasoo lagu taageersan yahay Heshiiskii amniga ee dhawaan dhex maray Dowlada Turkey iyo Somalia.
Isu soo baxaan wuxuu ka dhacayaa garoonka ciyaaraha kubada cagta ee Eng,Yariisoow oo hore loo oran jiray Conis-Stadium kuna yaal Degmada C/casiis ee Magaalada Muqdisho.
Isu soo baxaan uu soo qaban qaabiyay Maamulka Gobolka Banaadir ayaa lagu wadaa inay ka hadlaan madax ka tirsan Dowlada Soomaaliya marka dadweynuhu soo buux dhaafiyaan garoonkaasi iyagoo isaga kala imaan doonaan degmooyinka Gobolka Banaadir.
Dhanka kale waxaa saaka xiran dhamaan wadooyinka gala iyo kuwa ka baxa garoonka ciyaaraha Eng.Yariisoow si amniga shacabka loo xaqiijiyo waxaana la ogoleyn gabi ahaanba wax gaadiid ah.
XAFIISKA WARARKA
DAYNIILE.COM
