Soomaalida ku dhaqan dalka Sweden oo si kulul kaga hadlay falal lagu gubay Kitaabka Qur’aanka Kariimka ah

Iyadoo laba nin oo asal ahaan ka soo jeeda dalka Ciraaq ay shalay ku gubeen kitaabka Qur’aanka Kariimka ah bannaanka dhismaha baarlamaanka Sweden, ayaa xildhibaanad Leyla Cali Cilmi oo ka tirsan baarlamaanka dalkaasi waxay sheegtay in wax laga xumaado ay tahay beegsiga lagu hayo diinta Islaamka.

Waxay sheegtay inay u muuqato in dowladda Sweden ay raali ka tahay ficilladaan lagu gubayo Qur’aanka Kariimka ah, iyadoo intaa ku dartay in mar walba mas’uuliyiin sar sare oo Swedish ah ay af lagaaddo u gaystaan Muslimiinta.

Xildhibaanadda oo ka tirsan Baarlamaanka dalkaasi ayaa sheegtay in tani ay tahay cunsuriyad ka dhan ah dadka Mauslimiinta, waxaana sidoo kale jira sida ay sheegtay arrimo siyaasadeed.