ADIS-ABABA (DAYNIILE.COM)-Masuuliyiinta Dowlada Itoobiya ayaa mar kale bilaabay mashruucoodii ahaa inay doonayaan marin biyood dhanka Badda ah si ay iyagu xor u yihiin dekadna ay halkaasi uga dhistaan.
Taliyaha Ciidamada Itoobiya, Birhanu Jula ayaa ka mida kuwa saacadihiihi ugu dambeeyay hadlay wuxuuna sheegay inay jiraan daddaalo meel fiican u maraya oo ay ku baadi goobayaan marin biyood isagoona cadeeyay waliba inay xitaa awood ku jirto waxay wax ku rabaan .
Taliyaha wuxuu tilmaamay in Ilaalinta danaha qaran ee hada socda aysan horrey iskugu dayin madaxdii hore dalkaasi u soo hogaamisay waa sida uu warka u dhigay.
“ciidanka Itoobiya waxay diyaar u yihiin inay naftooda u huraan sidii dadkoodu u heli lahaayeen marin biyood, mana ogollaan doono in shacabkeenu waligood saboolnimo ku noolladaan.”ayuu yiri Taliyaha Ciidamada Itoobiya.
Abiy Axmed ayaa sidaas oo kale marar badan ugu hadlay balse waxay iska indha-tiraan dhibaatada amni xumida dalkaasi ka jirta ee qabiil qabiilka Dowlada looga soo horjeedo,sidoo kale abaaraha iyo musuq maasuqa hareeyay dalkaasi .
XAFIISKA WARARKA SIYAASADA
DAYNIILE.COM
DAYNIILE.COM
