MUQDISHO (DAYNIILE.COM)-Magaalada Muqdisho waxaa maanta lagu qabtay munaasabad uu xilka Kula wareegaayay Wasiirka cusub ee Wasaarada Amniga Sanatar Fartaag.
Munaasabada waxaa ka soo qeybgalay masuuliyiin uu ka mid yahay Ra’iisulwasaare xigeenka Saalax Axmed kaasoo xilka u kala wareejiyay ku simihii wasiirka amniga Mr Xagaa iyo Wasiirka cusub Mr.Fartaag.
Kusimaha Guddoomiyaha guddiga arrimaha gudaha iyo amniga Golaha Shacabka Xildhibaan Nuur Axmed Diiriye oo ka mid ahaa masuuliyiintii ka soo qeybgashay ayaa amaanay shaqada Wasaaradda Amniga.
Wuxuu sheegay Gudoomiye Nuur Axmed in gudigooda loo gudbiyay shan sharci oo ka yimid Wasaarada Amniga islamarkaana ay ansixiyeen 4 ka mida.
Wasiir Xagaa ayaa isna munaasabada ka sheegay in Wasiirka cusub ee Wasaaradda Amniga ku garab taagan yihiin shaqada loo idmaday
Kusimaha Ra’iisul Wasaaraha Xukuumada Soomaaliya Saalax Axmed Jaamac oo isna hadalo ka jeediyay munaasabada ayaa sheegay in Madaxda Qaranku kalsooni badan ay ku qabaa magacaabista Wasiirka Amniga
Ugu danbeyn Wasiir Fartaag ayaa tilmaamay in war badan uusan wax tareyn iskamarkaana ay shaqo badan u taal.
XAFIISKA WARARKA
DAYNIILE.COM
