NAIROBI (DAYNIILE.COM)- Wiil 15 jir Soomaali ah ayaa xalay iska soo tuuray dabaq 15 biyaano ah oo 010ku yaal IMagaalada Nairobi ee Caasimada dalka Kenya gaar ahaan Xaafada Islii ee Soomaalidu degto.
Wiilkaan oo hada uu soo qaan-gaaray ayaa isu dilay sida aan warka ku helnay kadib markii uu ka carooday canaanta hooyadiis iyo wiil la dhashay oo ka weyn.
Warar ku dhaw dhaw dariskiisa ayaa sheegaya in wiilkaani aad u jeclaa kaxaynta gaadiidka wuxuuna kireysan jirey baabuurta raaxada kadibna wuu isaga wareegi jirey balse xalay intuusan is dilin ka hor ayaa waalidkiisa iyo walaaalkiisu ka celiyeen inuu gaari kireysto.
Wararku waxay intaasi ku dareen in xalay markii loo diiday uu ka carooday talaabadaasi kadibna uu fuulay dabaqa ay degan yihiin oo 15 biyaano ahaa kadibna uu iska soo tuuray sidaasna ku geeriyooday.
Hay’ada danbi baarista Kenya ayaa meydka la wareegtay waxaana lagu wadaa baarid kadib in qoyskiisa loo fasaxo inay duugtaan.
XAFIISKA WARARKA
DAYNIILE.COM
