Guriceel (dayniiile.com)-Ciidamada Sirdoonka Qaranka ee NISA ee ka howlgala Magaalada Guriceel ee Gobolka Galgaduud ayaa gacanta ku soo dhigay nin ay ku sheegeen inuu yahay gacan ku dhiiglihii dhawaan Magaaladaani ku dhex toogtay nin la dhashay taliyaha Guriceel.
Gudoomiyaha Degmada Guriceel Faarax Cabdi Macalin ayaa saxaafada u sheEgay inay ka soo qabteen duleedka Guriceel meel duur ah oo ay adag tahay sida uu sheegay in xitaa xog laga helo qof halkaasi ku dhuuntay.
Ninkaan la soo qabtay ayaa dhawaan goob ganacsi wuxuu ku dhex dilay marxuum C/laahi Cali Huudeey oo la dhashay Taliyaha Booliiska Magaalada Guriceel.
Laamaha amaanka waxay cadeeyeen inay sharciga hor keeni doonaan eedeysanahaan oo magaciisa lagu sheegay C/Salaam islamarkaana lagu ciqaabi doono falkii uu gaystay mid u dhigma.
XAFIISKA WARARKA
DAYNIIILE.COM
