BARAAWE (DAYNIIKLE.COM)-Ciidamada Nabad sugida iyO sirdoonka qaranka ee NISA ayaa maanta howlgal amni sugid ah waxay ka sameeyeen Magaalo xeebeedka BaraaWe Gobolka Shabeelaha hoose ee Maamulka Koonfur-Galbeed.
Ciidamada ayaa gaadiidkana baarayayay sidoo kalana guryaha ayay mid mid u baarayaayeen si loo xaqiijiyo amaanka Magaalada Baraawe madaama bisha Ramadaan la guda galay.
Taliyaha Nabad sugida ee Baraawe Cumar Yaaloow Cabdi ayaa shacabka Baraawe meel Fagaare ah kala hadlay isagoo ka dalbaday inay soo sheegaan wixii ay uga shakiyaan inay amni dari ku hayaan Magaalada.
“waxaan idin farayaa inaad la shaqeysaan laamaha amniga soona sheegtaan qofkii ku cusub degmada ,inaad xafiiska nisa ku soo wargelisaan qofkii aad u aragtaan inuu dhibaato ku yahay Dowlada,shacabka iyo magaalada”ayuu yiri Taliye Cumar Yaaloow Cabdi.
XAFIISKA WARARKA
DAYNIILE.COM
