Ra’isul Wasaarihii hore ee dalka, Cumar Cabdirashiid Cali Sharmaake, ayaa dowladda & shacabka Soomaaliyeed ugu hambalyeeyay xubinnimada Ururka iskaashiga Dhaqaalaha ee Bariga Afrika.
Ra’isul Wasaarihii hore ayaa qoraal uu soo dhigay bartiisa X (Twitter) ku sheegay in xilligii ugu haboonaa ay ku soo aadey Xubinnimadaan, isbedel weynna uu ku imaan doono isku socodka dadka & badeecadaha guud ahaan gobolka, sidoo kolana uu kobci doono dhaqaalaha Dalkeena.
Sidoo kale Madaxweynaha dalka Uganda, Yoweri Museveni, oo ka qeyb galay Meertada 23-aad ee Hoggaamiyeyaasha dalalka ku mideysan Ururka Bulshada Bariga Afrika (EAC) ayaa hambalyo u diray Shacabka iyo Madaxda Qaranka Soomaaliyeed.
Madaxweyne Museveni, ayaa qoraal uu soo dhigay bartiisa X (Twitter) si gaar ah ugu hambalyeeyay Madaxweynaha JFS Mudane Xasan Sheekh Maxamuud taas oo ku aaddan ku biirista Soomaaliya Urur Goboleedka Dhaqaalaha Bariga Africa.
=Warbaahinta qaranka=