Muqdisho(dayniiile.com)-Wararka aan ka heleyno Degmada Xamarweyne Magaalada Muqdisho ayaa sheegaya in goor dhaw oo caawa maqribkii ah uu dab xooggan ka kacay guri kaasoo ku sii fidaya xaafadaha ku dhaw.
Guriga dabku ka kacay wuxuu u dhaw yahay Masjidka caanka ah ee Marwaas iyadoo dadka deegaanka oo aan la hadalnay noo xaqiijiyeen in dabku sii badanayo xili wadooyinka Xamarweyne uu ciriri yahay.
Sidooo kale dadka deegaanka waxay noo sheegeen in mar dhaw ay goobta soo gaareen kooxda gurmadka degdega ee dab-damiska Gobolka Banaadir.
Dhanka kale dad goob joogayaal ah ayaa noo sheegay in qaar ka mid ah tukaamada suuqa Xamarweyne la bililiqeystay kuwaasoo aad ugu dhaw halka dabku ka kacay.
Ciidamada Boliiska ayaa daqiiqado ka dib soo gaaray goobta xili waxoogaa bililiqo ah ay dhacday inkastoo boob baahsan uusan jirin.
XAFIISKA WARARKA
DAYNIIILE.COM
