Dagaalyahanada Xisbullah oo shaaciyeen inay weerar ku qaadeen saldhigyo ay ku sugnaayeen Ciidamada Yuhuuda

Dagaal-yahanada reer Lubnaan ee Xisbullah ayaa sheegtay in saacadihii lasoo dhaafay ay weerarro kala duwan ku qaadeen fariisimo ay ku sugnaayeen ciidamada Israa’iil.

Waxay xuseen inay weerarradooda ugu dambeeyay u adeegsadeen gantaallo kuwaasoo lagu bartilmaameedsaday deegaanno ka tirsan Kfarchouba iyo Metulla ee koonfurta Lubnaan.

Hezbollah ayaa sidoo kale sheegtay inay gantaallada Falaq u adeegsatay inay ku garaacdo askarta Israa’iil ee ku sugan goobta Jal al-Alam, oo ay madaafiic ku garaacday ciidan lugta ah ay sababtay khasaare la xaqiijiyey.

Kooxda ayaa sidoo kale sheegatay weerar madaafiic ah oo lagu qaaday askarta Israel ee Hunin. Waxay ilaa hadda sheegatay siddeed weerar oo maanta dhacay.