Muqdisho (dayniiile.com)-Dab aad u xooggan ayaa caawa ka kacay Xalane oo ah Xarunta ugu weyn Muqdisho ay ku leeyihiin Ciidamada Midowga Afrika iyo guud ahaan ajaanibta reer Galbeedka iyo safaaradaha.
Waaxda Dab-damiska Gobolka Banaadir ayaa u gurmaday kuwaasoo ku dhawaad 5 saacadood ay ku qaadatay inay ku guukeystaan daminta debkaasi.
Sida ay noo xaqiijiyeen qaar ka mid ah wiilasha waaxda Dab-damiska Gobolka Banaadir waxay gaareen xalane maqribkii Caawa dabkana way la tacaalayeen ilaa iyo saqdii dhexe ee caawa 11-ka oo daqiiqado dhiman,markasoo ugu danbeyna ay ku bakhtiijiyeen.
“Alle kasokow dadaal dheer oo ay bixiyeen geesiyadeena ayaan caawa ku guuleysay daminta dab aad u xooganaa kaa oo ka dhacay gudaha xalane qeybta EUCAP”ayaa lagu yiri war qoraal ah oo la soo dhigay barta Facebook waaxda gurmadka xegdega ee Gobolka Banaadir.
XAFIISKA WARARKA
DAYNIIILE.COM