MUQDISHO (DAYNIILE.COM)-Sida maalmihii ugu danbeeyay baraha bulshada lagu baahiyay waxaa jira in kooxihii weeraray 2 habeen ka hor weeraray SYL Hotel in qaarkood ay isticmaaleen aqoonsiga shaqaalaha Golaha shacabka.
Haddaba masuul u hadlay Golaha Shacabka ayaa si weyn u beniyay warkaasi isagoo aqoonsigaasi ku tilmaamay mid been abuura oo Fake ah.
Xoghayaha Guud ee Golaha Shacabka Baarlamaanka Soomaaliya waxaa uu shacabka Soomaaliyeed u cadeynayaa in aqoonsiga hoos aad ka arki kartaan uu yahay been abuur.
Masuuulkaan wuxuu xusay in shaqsiga meesha ka muuqda uusan kamid ahayn shaqaalaha Golaha Shacabka.
Dhanka kale Xoghayaha Guud ee Golaha Shacabka Baarlamaanka Soomaaliya wuxuu uga digay cid kasta oo isku deyda inay ka been abuurto ID-ka Golaha Shacabka inay sharciga hor geyn doonaan.
XAFIISKAWARARKA
DAYNIILE.COM
