Guddoomiyaha Golaha Shacabka Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa maanta xafiiskiisa ku qaabilay safiirka cusub ee dalka Talyaaniga ee Soomaaliya Amb. Pier Marion Dacco Coppi.
Kulanka Guddoomiye Sheekh Aadan Madoobe iyo danjiraha dalka Talyaaniga Mudane Pier Marion Dacco Coppi ayaa ahaa mid isbarasho iyo kala warqaadasho ah, maadaama safiirka uu cusub yahay.
Kulanka ayaa looga hadlay sidii Dowladda Talyaaniga ay kaalin muuqata uga qaadan laheyd tayaynta iyo horumarinta Golaha Shacabka, waxaana uu ammaanay doorka Baarlamaanka Soomaaliya ka qaatay ansixinta shuruucda muhiimka u ah qaranka.
Sidoo kale Guddoomiyaha ayaa Dowladda Talyaaniga ku bogaadiyay kaalinta weyn ee ay ka soo qaateen dib u dhiska dalka.
DHAMAAD
